Meta publikon denoncimin e sipërmarrësit për survejim nga patronazhistët

Presidenti Ilir Meta në një konferencë të jashtëzakonshme për shtyp ku u është drejtuar gazetarëve dhe sipërmarrësve bëri publik denoncimin e një sipërmarrësi, i cili pretendoi se ishte gjobitur padrejtësisht nga ana e “patronazhistëve”.

Z. Meta dënoi atë që e quajti shantazh të qytetarëve për votën, ndërsa nxiti institucionet shtetërore të hetojnë dhe qytetarët të mos e pranojnë këtë padrejtësi.

“Kam kaq kohë që biznesi im vetëm kërcënohet dhe gjobitet herë pas herë. Zbulova arsyen e vërtetë dhe personin, pra patronazhistin”, u shpreh denoncuesi Erion Mane, i cili drejton një agjenci turistike.

Sipërmarrësi denoncoi se ka marrë gjoba të herëpashershme nga autoritetet rrugore për një ligj të rrëzuar.

“Çdo të shtunë ka marrë gjoba të herëpashershme nga autoritete rrugore për një ligj të rrëzuar, pasi është bërë liberalizimi i licencave turistike,” u shpreh z. Mane.

Presidenti Meta tha se do të fillojë që nesër me hetimin e kësaj çështjeje, ndërsa ju drejtua qytetarëve duke u thënë të mos shesin lirinë e tyre.

Deri kur do të vazhdoni në shantazh dhe në presion? Qytetarë të Republikës, mos i dorëzoni liritë dhe të drejtat tuaja. Unë do të kërkoj që nesër hetimin e kësaj çështjeje.

Lajmi në përditësim…