Presidenti Meta thirrje qeverisë: Dëgjo kërkesat e protestuesve

Presidenti, Ilir Meta i kërkon qeverisë që të marrë në konsideratë kërkesat e protestuesve që reagojnë prej 3 ditësh për rritjen e çmimeve.

“I bëj thirrje Qeverisë të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin, për dinjitetin dhe të drejtat e tyre thelbësore”, shprehet Meta.

Presidenti nga ana tjetër i ka drejtuar dhe një apel Policisë së Shtetit duke i kërkuar që të “distancohet nga dhuna e papranueshme dhe ndalimet e pajustifikuara”.