Presidenti ukrainas thirrje Rusisë për armëpushim

Presidenti i Ukrainës, Volodymyr Zelensky i bën thirrje Rusisë për një armëpushim.

“Rusia do të duhet të flasë me ne herët a vonë se si t’i japim fund armiqësive dhe të ndalojmë këtë pushtim. Sa më shpejt të fillojë biseda, aq më të vogla do të jenë humbjet e Rusisë. Deri atëherë do të mbrojmë vendin tonë”, u shpreh ai në një deklaratë për mediat.

Presidenti nënvizoi se Ukraina deri më tani po lufton e vetme përballë ushtrisë ruse. Ai theksoi nuk kishte ndërmend të largohej nga kryeqyteti dhe se e dinte se ishte objektivi numër një i Rusisë.

Deri më tani raportohet për 137 viktima në Ukrainë, mes tyre edhe civilë. Gjatë natës Rusia ka sulmuar me raketa kryeqytetin Kiev.

LEXONI GJITHASHTU:

• 137 viktima nga sulmet e Rusisë në Ukrainë, mes tyre civilë