Presidenti ukrainas urdhëron që të nisin rekrutimet për rezervistë

Të mërkurën Ukraina ka filluar të rekrutojë rezervistë të moshës 18-60 vjeç, pas një dekreti të presidentit Volodymyr Zelenskiy, thanë Forcat e Armatosura në një deklaratë për mediat.

Periudha maksimale e shërbimit është një vit.

Zelenskiy tha të martën se ai po prezantonte rekrutimin e rezervistëve, por përjashtoi një mobilizim të përgjithshëm pasi Rusia njoftoi se po lëvizte trupat në Ukrainën lindore.

Nga ana tjetër Shtëpia e Bardhë ka njoftuar se nuk do të ketë një takim mes Presidentit Joe Biden dhe homologut rus Vladimir Putin, siç u diskutua në fundjavë.

Ndërkohë edhe Sekretari amerikan i Shtetit, Antony Blinken anulon takimin me ministrin e Jashtëm rus, Sergei Lavrov, i cili ishte planifikuar të zhvillohej më 24 shkurt.