Presidenti Zelensky emëron ministrin e ri të Jashtëm të Ukrainës

Deputetët ukrainas kanë votuar për të pranuar dorëheqjen e ministrit të Jashtëm Dmytro Kuleba.

Sipas mediave të huaja, largimi i tij është pjesë e një riorganizimi të madh të urdhëruar nga Volodymyr Zelensky, i cili tha se Ukraina ka nevojë për “energji të re” në një kohë kritike në luftën kundër Rusisë.

Zelensky ka propozuar Andrii Sybiha si zëvendësues të tij. Kuleba ka të ngjarë të jetë detyruar të largohet sepse ai u përplas me shefin e zyrës së Zelensky, Andriy Yermak.

“Të gjithë e dinin se kishin konflikt. Një herë kam qenë dëshmitar i një episodi të tij,” tha një zyrtar i paidentifikuar për Politico.

Kujtojmë se bashkë me Kulebën u larguan edhe disa ministra të tjerë, ndërkohë që lufta në Ukrainë ka hyrë në një ‘terren’ të panjohur.

LEXONI GJITHASHTU:

• Zelensky: Nuk do ta falim Rusinë, as për një jetë të vetme të shkatërruar ukrainase
• Zelensky konfirmon testimin e raketave balistike të prodhuara nga Ukraina