Presidentin do ta zgjedhë Rama, pretendon avokati

Avokati Genc Gjokutaj mendon se e ka të qartë skemën e zgjedhjes së presidentit të ri.

Ai u shpreh për “SOT” në Euronews Albania se deri në raundin e tretë nuk do të ketë president. Sipas tij Rama po krijon terren për një president të së majtës.

“Nuk u bënë dot votat, ama Kushtetuta nuk do të shkelet dhe vendi nuk do ngelë pa president,” – tha Gjokutaj, ndërsa theksoi se Rama do ta zgjedhë vetëkreun e shtetit.

Duke qenë se nuk përbën asnjë shkelje zgjedhja e presidentit nga kryeministri i vendit, avokati ishte i mendimit se Rama do të justifikohet me idenë se nuk ka vullnet nga pakët politike.

“Lojëtari që futet në 10 minutat e fundit dhe bën 3 gola,” – e përshkroi Gjokutaj kryeministrin, ndërsa shtoi se deri më sot me të njëjtat argumente ka qeverisur i vetëm, pa opozitë.

LEXONI GJITHASHTU:

• Rama: Nëse nuk ka konsenus, e zgjedhim vetë presidentin në raundin e katërt