Presidentja e KE-së: Ekonomia ruse po degradon për shkak të sanksioneve

Ekonomia e Rusisë po “degradon ngadalë mes sanksioneve gjithnjë e më të ashpra”, ka thënë shefja e BE-së Ursula von der Leyen për Euronews.

“Ne shohim se sanksionet janë gjithnjë e më të rënda në ekonominë ruse. Nëse shikoni sektorët e ndryshëm, ne shohim se ato po degradohen ngadalë, por me siguri për shkak të kontrolleve të eksportit”, tha presidentja e Komisionit Evropian në samitin e G7.

“Pra, përditësimet, teknologjitë, gjithçka që ju nevojitet, mallrat që ju nevojiten për të modernizuar, nuk do të shkojnë më në Rusi”, u shpreh ajo më tej.

Von der Leyen tha gjithashtu se vendet e G7 ranë dakord të eksplorojnë një kufi të mundshëm të çmimit të naftës.

Furnizimet globale të ushqimit pritet të jenë gjithashtu pjesë e diskutimit të G7, mes paralajmërimeve se lufta në Ukrainë mund të shkaktojë një krizë mbarëbotërore.

LEXONI GJITHASHTU:

• Shumica e evropianëve thonë se lufta në Ukrainë u godet standardin e jetesës
• Suedia e Finlanda drejt NATO-s, si përfundoi neutraliteti i 2 shteteve