Presidentja e KE-së: Rusia duhet të paguajë çmim të lartë për luftën në Ukrainë

Presidentja e Komisionit Evropian, Ursula Von der Leyen deklaroi se Rusia duhet të paguajë një çmim të lartë për luftën në Ukrainë.

Deklarata e saj, vjen pasi Bashkimi Evropian ka propozuar paketën e re të sanksioneve kundër Moskës.

“Lufta brutale e Rusisë kundër Ukrainës vazhdon pa pushim. Prandaj, sot ne propozojmë të ashpërsojmë sanksionet tona kundër Kremlinit, t’i zbatojmë ato në mënyrë më efektive dhe t’i zgjasim deri në janar të vitit 2023″, shkroi ajo në Twitter.

Russia’s brutal war against Ukraine continues unabated.

Therefore we propose today to tighten our hard-hitting EU sanctions against the Kremlin, enforce them more effectively and extend them until January 2023.

Moscow must continue to pay a high price for its aggression.

— Ursula von der Leyen (@vonderleyen) July 15, 2022

Në paketën e re të sanksioneve, përfshihet ndalimi i importit të arit rus dhe ndryshime ligjore për të parandaluar masat aktuale që pengojnë dërgesat e ushqimit.

Masat e reja konsiderohen si një paketë e limituar sanksionesh në krahasim me gjashtë paketat e sanksioneve të mëparshme të vendosura që nga nisja e pushtimit rus të Ukrainës më 24 shkurt.

LEXONI GJITHASHTU

• Zelenski thirrje ndërkombëtarëve që ta njohin Rusinë si një “shtet terrorist”
• Bllokimi i porteve ukrainase, vështirësi për të eksportuar drithëra