Sula: Qëllimi i Ramës e i Veliajt është që në krye të SPAK të vendosin një tjetër

Deputeti Dashnor Sula, në një intervistë për Euronews Albania është shprehur se në Kuvend është depozituar një shkresë nga SPAK për zgjatjen e mandatit të Arben Krajës dhe të prokurorëve.

Sula, tha se Arben Kraja është njeri i pakorruptuar ndërsa shtoi se SPAK është në rrugën e duhur për të arritur rezultate të suksesshme.

“Arben Kraja është person i pakurruptuar siç janë dhe disa të tjerë. SPAK nuk ka arritur atë që duhet të arrinte por po ndjek një rrugë që do të japë rezultate të suksesshme. Unë di që ka një shkresë pranë Kuvendit të Shqipërisë, ku kërkohet nga ana e të gjithë SPAK që të ndryshohet ligji përsa i përket zgjatjes mandatit të Krajës dhe të prokurorëve të SPAK. Unë jam totalisht që të mos ketë afat për prokurorët e SPAK. “- tha Sula.

Më tej theksoi se qëllimi i Kryeministrit Edi Rama dhe i Erion Veliajt është që në krye të SPAK të vendosin një person tjetër.

“Edi Rama, Veliaj kanë qëllimet e veta për të vendosur një person tjetër në SPAK. Unë  e mbështesë pa diskutim zgjatjen e mandatit.”- nënvizoi ai.

LEXONI GJITHASHTU

• Sula: Gledis Nano u largua se s’lejoi të “përdhunohej” nga Çuçi e Rama
• Deputeti Sula: Me Sali Berishën në krye, PD është shkatërruar