Priftërinjtë ortodoksë rusë bëjnë thirrje për lirimin e trupit të Navalny

Priftërinjtë ortodoksë rusë u kanë kërkuar autoriteteve që t’ia japin familjes së tij trupin e kritikut të Kremlinit, Alexey Navalny.

Letra e hapur, e cila ka fituar më shumë se 800 nënshkrime si nga klerikët ashtu edhe nga anëtarët e publikut, u publikua në një faqe interneti që mbështet klerikët e Kishës Ortodokse Ruse që përballen me persekutim për shkak të qëndrimit të tyre kundër luftës.

“Ne ju bëjmë thirrje që t’i lini familjes trupin e Alexey Navalny në mënyrë që nëna e tij, anëtarët e tjerë të familjes dhe njerëzit e tjerë të të njëjtit mendim t’i thonë lamtumirë dhe t’i bëjnë një varrim të krishterë,” shkruan autorët në letër.

Letra iu drejtua “autoriteteve të Federatës Ruse nga klerikët ortodoksë dhe laikët”.

“Kjo nuk është vetëm dëshira dhe e drejta e tyre ligjore, por edhe një detyrë ndaj Zotit dhe ndaj të ndjerit”, shkruan autorët.

Në apelin e tyre, priftërinjtë paralajmëruan se refuzimi për të lëshuar trupin e Navalny mund të shihet si një akt “pamëshirshmërie dhe çnjerëzore”.

LEXONI GJITHASHTU: 

• Qindra traktorë në kufirin çeko-sllovak, protesta nga fermerë nga 10 vende evropiane
• SHBA| Raporti: Qeni i Biden kafshoi agjentët e Shërbimit Sekret të paktën 24 herë