Prigozhin: 99% e pjesëtarëve të Wagnerit janë larguar nga Bahmuti

Udhëheqësi i forcës mercenare ruse, Wagner, Yevgeny Prigozhin, ka thënë se gati të gjithë luftëtarët e tij janë larguar prej qytetit ukrainas të Bahmutit.

Prigozhin ka thënë në mbrëmjen e së premtes se, 99 për qind e njësiteve të tij tani janë jashtë Bahmutit.

“Të gjitha pozicionet u janë dorëzuar njësiteve të Ministrisë ruse të Mbrojtjes. Gjithçka është sqaruar”, ka thënë Prigozhin.

Shefi i Wagnerit ka thënë se trupat e tij do të tërhiqen nga linja e frontit, mirëpo do të vazhdojnë të jenë të stacionuara në rajonin lindor ukrainas, Donjeck.

Komandanti i forcës tokësore ajrore të Ukrainës, Oleksandr Syrskyi, ka thënë se ushtria e tij ka pushuar së luftuari në Bahmut.

LEXONI GJITHASHTU: 

• “Ja cili është dëmi më i madh për Kosovën”, ish-ministri i jashtëm kritikon Kurtin
• Arrestimi i Sekretares së Përgjithshmë së MSH, SPAK jep detajet nga hetimi