Kreu i PD- së Sali Berisha komentoi procesin e primareve në parti duke thënë se ditën e sotme është vendosur një standard i paparë në Shqipëri.
Në një deklaratë për mediat Berisha tha i bindur se çdo anëtar i PD dhe simpatizantë i saj ndihet i lirë.
Ai shtoi se në të gjithë procedurat që janë ndjekur sovrani për PD-në ishte anëtarësia
“Në këtë kontekst unë kam bindjen se çdo anëtar dhe anëtare e PD-së, simpatizantë të saj, ndihen më të lirë, ndihen më dinjitozë, më të motivuar, se kurrë në idealet e tyre demokratike. Kam bindjen se ata vlerësojnë këtë ndryshim madhor të PD-së, këtë proces me të cilin kjo forcë politike përmbysi përfaqësimin, procedurën e përfaqësimit dhe zgjedhjes së drejtuesve partiakë, qeveritarë vendosë të saj.
Në të gjitha këto procedura, sovrani për PD-në ishte anëtarësia, nuk ishte as kryetari dhe as kryesia. Pra, vendoset në këtë mënyrë një standard demokratik i paparë më parë në Shqipëri, ç’ka e bën sot PD-në forcën më të fuqishme politike të Shqipërisë, forcën më të përkushtuar për lirinë dhe të drejtat e anëtarëve të saj dhe nesër në pushtet të qytetarëve shqiptarë”- tha Berisha.
LEXONI GJITHASHTU: