Primaret në SHBA| Haley arrin fitoren e parë, mposht Donald Trump në Uashington

Nikki Haley ka mundur Donald Trumpin në zgjedhjet paraprake republikane në Uashington DC.

Sipas mediave të huaja, kjo është fitorja e saj e parë ndaj ish-presidentit në fushatën e vitit 2024 për t’u bërë kandidate republikane për presidente.

Ajo humbi në Karolinën e Jugut, shtetin e saj të lindjes. Por ajo është gruaja e parë që fiton një garë në zgjedhjet paraprake republikane në historinë e SHBA.

Trump megjithatë ka një epërsi të madhe ndaj zonjës Haley dhe ka të ngjarë të përballet me Joe Biden në zgjedhjet e nëntorit.

Partneri amerikan i BBC-së, CBS, raporton se zonja Haley do të presë të 19 delegatët republikanë që ishin në pritje në Uashington DC, duke i dhënë asaj 43 delegatë në mbarë vendin, shumë më pak se 247 të zotit Trump.

Zonja Haley, një ish-ambasadore e SHBA-së në OKB, fitoi 62.9% të votave, ndërsa Trump 33.2%.

Ajo shihet si një fitore kryesisht simbolike, pasi kryeqyteti është një bastion i dominuar nga demokratët, me vetëm rreth 23,000 republikanë të regjistruar në qytet.

Zyrtarët e partisë lokale thanë se 2,035 republikanë morën pjesë në zgjedhjet paraprake, raportoi Ëashington Post.

Zëdhënësja kombëtare e fushatës së zonjës Haley, Olivia Perez-Cubas tha: “Nuk është për t’u habitur që republikanët më të afërt me mosfunksionimin e Uashingtonit po refuzojnë Donald Trump dhe gjithë kaosin e tij”.

Fushata e Trump, megjithatë, ishte e shpejtë për të hedhur poshtë fitoren e zonjës Haley, duke e quajtur atë “Mbretëresha e Kënetës”.

LEXONI GJITHASHTU:

• Orban: Kthimi i Trump është i vetmi shans për t’i dhënë fund luftës në Ukrainë
• Biden dhe Trump fitojnë lehtësisht zgjedhjet paraprake në Miçigan