Pritet të rritet me 15% energjia elektrike në Kosovë, kur merret vendimi

Bordi i Zyrës së Rregullatorit për Energjinë në Kosovë, në mbledhjen e mbajtur të enjten, ka miratuar tarifat e reja për KESCO-n.

Kjo bën që duke filluar duke filluar nga 1 prilli do të shtrenjtohet për rreth 14-15 për qind bazuar në këto tarifa, raporton Ekonomia Online.

Kështu bëri të ditur kryetari i ZRrE-së, Ymer Fejzullahu, i cili tha se rritja e saktë do të dihet në mbledhjen e ardhshme të këtij bordi. Ai shtoi se çmimi i ri llogaritet të jetë përafërsisht 14 deri 15 për qind më i lartë.

Fejzullahu, për këtë shtrenjtim të rrymës, ka fajësuar rritjen e çmimit të importit, rregullimet që po bëhen në bllokun B të KEK-ut dhe inflacionin.

“Duke marrë parasysh rritjen e çmimit të importit dhe rregullimet në Bllokun B, por edhe inflacionin, ZRrE ka marrë vendim për shtrenjtimin e rrymës”.“Kemi llogaritur se rritja do të jetë 14-15%, por saktësisht do të dihet në mbledhjen tjetër të ZRrE-së”, ka thënë ai.