Problematika me autobusët në kryeqytet, tejmbushje dhe pritje e gjatë në stacione
Kompanitë e transportit publik në kryeqytet nuk respektojnë orarin e lëvizjes së autobusëve.
Detyrimin për kontrollin e tyre me qëllim rritjen e cilësisë në shërbim e ka Agjencia e Mbrojtjes së Konsumatorit. Sipas kësaj agjencie në gjashtë mujorin e parë të këtij viti janë kryer mbi 4500 kontrolle dhe janë vendosur 574 masa administrative.
Gjobat më të shpeshta janë pikërisht për mosrespektimin e orarit të lëvizjes.
Pavarësisht vendosjes së gjobës, e cila është vetëm 5.000 lekë, sërish situata ka mbetur po e njëjta.
Por, ndërsa flasim për orarin e lëvizjes, ky orar nuk është i pasqyruar në stacionet e autobusëve, kështu qytetarët mbesin në pritje pa kuptuar se kur po afrohet autobusi.
Përveç pritjes së gjatë, qytetarët ankohen edhe për kushtet dhe tejmbushjen e tyre.
“Po pres Zoologjikun, po bëj një orë që pres. Hajde rri këtu, të sëmurë jemi”, tha një qytetare.
“Ndonjëherë sa dalim, ndonjëherë vonohen. Sot janë vonuar, unë jam për vizitë, u mërzita me thënë të drejtën”, u shpreh një tjetër.
“Si rregull është 10-15 minuta, po ka herë që presim edhe gjysmë ore. Linjat nuk janë të rregullta, autobusët janë me sedilje pak, ja si janë 70% në këmbë”, tha një burrë.
Prej vitit 2013 shërbimi i transportit publik urban kryhet vetëm nga operatorët privatë.
Por, përgjegjës për përmirësimin e shërbimit urban është Drejtoria e Përgjithshme e Punëve Publike pranë Bashkisë Tiranë.
Burime nga bashkia e Tiranës thonë për Euronews Albania se së shpejti shërbimi i transportit publik qytetas do të riorganizohet.
Itineraret e 15 linjave urbane në kryeqytet, kushtet e shërbimit dhe orari i pritjes së qytetarëve në stacion janë në qendër të këtij ristrukturimi që nuk dihet ende sa kohë do të marrë.
LEXONI GJITHASHTU:
Kryefaqja
Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
U plagos në Lozhan të Maliqit, efektivi i ‘Shqiponjave’ niset me helikopter drejt Traumës
Vrasja e policit në Korçë, reagon Rama: Nderim përjetë Dëshmorit të Atdheut
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West