Prodhuesit e ushqimeve bazë kërkojnë subvencione dhe ulje taksash

Fermerët dhe shoferët e kamionëve në Rumani vijuan protestat e nisura para një jave. Ata kërkuan taksa më të ulëta dhe subvencione. Gjithashtu, manifestuesit shprehën zemërimin e tyre për rritjen e kostos së sigurimit për makineritë e rënda.

Protesta pati edhe në Berlin, ku me fermerët u bashkuan aktivistët për klimën. Së bashku ata kanë formuar aleancën “Mjaft me gënjeshtra!”. Fermerët shprehën gatishmërinë për të mbështetur bujqësinë miqësore me ambientin, por për këtë kërkuan reforma dhe çmime më të ndershme.

Ndërkohë, në jug të Francës, protestat masive detyruan qeverinë t’u jepte një përgjigje shqetësimeve të fermerëve. Kryeministri Gabriel Attal do të takohet të hënën me kryetarin e sindikatës së fermerëve.

Ata pretendojnë se politikat qeveritare për tranzicionin ekologjik po ulin konkurrencën e prodhuesve vendas dhe kjo jo vetëm nuk u sjell përfitime fermerëve, por bën që produktet ushqimore të blihen jashtë vendit.

LEXONI GJITHASHTU: 

• Xhavit Jashari: Si ndodhi sulmi i tretë në Prekaz, serbët përdorën të gjitha armët
• Polemika për sulmin në Donjeck/ Ukraina mohon përgjegjësinë për 28 vrasjet