Produkte kozmetike dhe kafe kontrabandë, arrestohet pronarja e marketit në Sarandë

Policia e Sarandës ka arrestuar një 49-vjeçare, e cila administrojë një market, ku gjatë kontrollit janë sekuestruar mbi 400 produkte kozmetike dhe qindra artikuj të tjerë pa dokumentacion blerjeje.

Policia ka sekuestruar një sasi të konsiderueshme të këtyre mallrave të dyshuara kontrabandë dhe që paguhen me akcizë, të cilat nuk ishin të shoqëruara me dokumentacion blerjeje, konkretisht: 402 copë produkte kozmetike, 195 paketime kafe dhe produkte të tjera.

Në njoftimin e Policisë thuhet se Seksioni për Hetimin e Krimeve Ekonomiko-Financiare në Drejtorinë Vendore të Policisë Vlorë, gjatë kontrollit në subjektin tregtar të tipit market në Sarandë, konstatoi mallra kontrabandë në shkelje të legjislacionit tatimor dhe doganor.

Si rezultat, u arrestua në flagrancë 49-vjeçarja S.K., e cila akuzohet për veprat penale “Kontrabanda me mallra që paguhet akcizë”, “Tregtimi dhe transportimi i mallrave që janë kontrabandë” dhe “Fshehja e të ardhurave”.

Materialet procedurale janë referuar Prokurorisë për veprime të mëtejshme.

Produkte kozmetike dhe kafe kontrabandë, arrestohet pronarja e marketit në Sarandë
Arrestohet administratorja e një marketi, për kontrabandë mallrash që paguhet akcizë dhe fshehje të ardhurash në Sarandë.

Sekuestrohen mbi 400 produkte kozmetike qindra artikuj pa fatura blerje pic.twitter.com/Cbcp8YtdLI

— Euronews Albania (@EuronewsAlbania) August 29, 2025