Profil/ Kush është Ermal Hasimja, që shpalli gadishmërinë për kandidaturën në Tiranë

Ermal Hasimja që shpalli gadishmërinë për tu ofruar në zgjedhjet lokale në Tiranë si kandidat gjatë intervistës në Euronews Albania dhe i bëri një thirrje për mbështetje Sali Berishës, duke theksuar se kandidatura e tij përputhet me kriteret që vetë Berisha përcaktoi në një deklaratë të së shtunës, është një figurë e njohur publike.

Ai është pedagog dhe analist politik shqiptar, i njohur për qëndrimet e tij kritike dhe analizat e thelluara mbi zhvillimet politike në vend.

Ai ka ndërtuar një profil të qëndrueshëm si një zë kritik dhe i argumentuar në diskursin publik, duke qenë aktiv si në media ashtu edhe në botën akademike.

Në karrierën e tij, Hasimja ka qenë pjesë e Komitetit të Orientimit të Politikave, KOP,  gjatë fushatës së vitit 2005, që solli Partinë Demokratike në pushtet. Përvoja e tij në këtë rol ka kontribuar në zhvillimin e politikave dhe strategjive që ndikuan në ndryshimet politike të kohës.

Përveç angazhimit në media, ai është pedagog, duke kontribuar në edukimin dhe formimin e brezave të rinj në fushën e shkencave politike.

LEXONI GJITHASHTU:

• Ekskluzive/ Hasimja njofton live Berishën: Jam kandidat për Tiranën, më mbështesni
• Qori sfidon partitë e mëdha: Garoj për Tiranën si alternativë anti-sistem