PROFIL/ Kush janë dy kandidatet e propozuara për Këshillin Kombëtar i PD

Kryetari i Partisë Demokratike, Sali Berisha, ka propozuar dy emra të rinj për t’iu bashkuar Këshillit Kombëtar të PD-së gjatë mbledhjes që po zhvillohet këtë të mërkurë.

Dy kandidatet e propozuara janë Julia Emiri dhe Silva Hasa, emrat e të cilave u paraqitën për miratim para anëtarëve të forumit drejtues.

Julia Emiri është aktore me profesion dhe prej disa vitesh është e angazhuar në Partinë Demokratike. Ajo është bërë e njohur edhe për aktivizimin e saj në grupin për mbrojtjen e Teatrit Kombëtar, duke qenë pjesë e protestave dhe nismave qytetare në mbështetje të kësaj çështjeje.

Silva Hasa, nga ana tjetër, ishte kandidate për deputete e Partisë Demokratike në zgjedhjet parlamentare të vitit 2025 në qarkun e Fierit. Me angazhimin e saj në strukturat politike të PD-së, ajo është propozuar tashmë për të qenë pjesë e forumit më të lartë vendimmarrës të partisë mes dy kuvendeve.

Propozimi i dy kandidateve u bë në kuadër të mbledhjes së Këshillit Kombëtar, ku po diskutohen dhe miratohen vendime që lidhen me organizimin dhe funksionimin e strukturave drejtuese të Partisë Demokratike.