Programi i PD-së për Dibrën, Basha: Dibra do e ketë sërish universitetin, shtyllën e së ardhmes

Kryetari i Partisë Demokratike, Lulzim Basha vijoi fushatën elektorale në Dibër, zonë të cilën e vlerësoi “për dije dhe mençuri”. Për këtë ai u zotua se do të rihapë Universitetin dhe do të përfundojë “Rrugën e Arbrit”.

Basha e konsideroi “dramë” mbylljen e universitetit në Peshkopi, pasi “kostoja e arsimit të fëmijëve dibranë është shtuar”.

Kryetari i PD-së tha se për ta arsimi i lartë “do të jetë prioritet absolut”.

“Ne kemi vendosur arsimin e lartë si një prioritet absolutë dhe hapjen dhe rihapjen e institucioneve të arsimit të lartë me fokus të veçantë tek trajnimi profesionalë i rinisë,” – u shpreh Basha.

“Pas 8 vitesh lëngate, pas 8 vite premtimesh të pambajtura, grabitjeje e dështimesh, a do ja jepni më votën të keqes? Votoni ndryshimin në ekonomi, në arsim, në shëndetësi, në investimet e huaja. Ndryshimin që prisni nga unë dhe ekipi im, ndryshimin që meritoni. Zoti iu bekoftë ju, Zoti e bekoftë Shqipërinë,” – tha ndër të tjera kryetari i PD-së.