Progres-raporti i KE, Rama: Janë vlerësuar zgjedhjet parlamentare

Kryeministri Edi Rama tha në një konferencë për shtyp me ambasadorin e BE-së Luigi Soreca se në progres-raportin e KE-së janë vlerësuar zgjedhjet parlamentare.

“Dua të them se së pari raporti e vulos objektivisht se Shqipëria vjen nga një proces zgjedhor i pa diskutueshëm në pikëpamjen e integritetit dhe përputhjes me standardet dhe rekomandimet e BE-së,” – u shpreh Rama.

Ai theksoi se Shqipëria ka bërë hapa para për çeljen e negociatave dhe pikërisht këto përpjekje janë vlerësuar nga Komisioni Europian, ndërsa solli në vëmendje se vendi nuk është gati për t’u anëtarësuar.

Sipas kryeministrit në raport vlerësohej përparimi në reformat kyçe që janë thelbësore për konsolidimin e demokracisë, siç është Reforma në Drejtësi ku procesi i Vettingut, lufta ndaj krimit të organizuar dhe korrupsionit janë në zhvillim.

Në progres-raportin e publikuar të martën KE i dha një vlerësim pozitiv Shqipërisë dhe reformave të ndërmarra gjatë vitit të fundit

LEXONI GJITHASHTU:

• Raporti i KE: Shqipëria shënon progres në reforma
• Progres-raporti i KE, Xhaçka: BE të mbajë premtimin, vonesat ndikojnë në uljen e besimit
• Progres-raporti i KE-së, Soreca: Konfirmoi se Shqipëria i ka përmbushur kushtet