Prokurori i Vatikanit kërkon dënim me burg për priftin e akuzuar për abuzim seksual

Një prokuror në Vatikan i ka kërkuar gjykatës të enjten që të dënojë Rev. Gabriele Martinelli, një prift italian, me akuzën se ka abuzuar seksualisht me një prej djemve të altarit gjatë një seminari për të mitur.

Ky është rasti i parë ku ngrihen akuza për abuzime seksuale me të mitur brenda mureve të Vatikanit.

Prokuroria ka kërkuar 12 vite burg për akuzat “dhunë e rëndë trupore” si dhe “akte të rënda lirie”, ndërsa ish-prifti mund të përfitojë nga ulja e dënimit për shkak se ka qenë edhe vetë i mitur në kohën kur pretendohet se ka ndodhur krimi.

Më herët gjatë gjyqit, viktima tha se kishte shkuar në seminar në moshën 13-vjeçare ndërsa Martinelli filloi ta ngacmonte seksualisht disa muaj më pas.

Prokuroria pretendon se Martinelli ka përdorur autoritetin e tij si figurë me pozicion të lartë në seminar për të kërcënuar e detyruar të riun për të kryer gjeste të turpshme nga viti 2007 deri në 2012.

Martinelli ka hedhur poshtë të gjitha akuzat.

Kjo nuk është hera e parë që akuza të tillë i drejtohen ish-priftit. Në 2017, disa djem të tjerë akuzuan hapur Martinellin se i kishte ngacmuar seksualisht.

Gjyqi pritet të vazhdojë të premten.

LEXONI GJITHASHTU:

• Vatikani kriminalizon për herë të parë abuzimin seksual të priftërinjve ndaj të rriturve
• Nuk raportoi priftin abuzues, kardinali francez paraqet sërish dorëheqjen tek Papa Françesk
• Qendra rehabilitimi për priftërinjtë pedofilë: Si po përpiqet Vatikani të “shërojë” abuzuesit e fëmijëve