Prokuroria e ‘coptuar’ nga vettingu, kreu i KLP bën bilancin e punës për vitin 2022

Një sfidë e Këshillit të Lartë të Prokurorisë është plotësimi i vakancave në sistem si pasojë e vetingut.

Gjatë një analize të punës për vitin që lamë pas, Alfred Balla, kryetari i KLP-së thotë se sot vendit i mungojnë 107 prokurorë.

“Sot prokuroria nuk është në ditën e saj më të mirë, aktualisht në detyrë janë rreth 214 prokurorë me një numër vakancash rreth 107 prokurorë që i mungojnë sistemit.Sistemi i vettingut ende s’ka përfunduar, janë rreth 88 prokurorë në proces, rreth 50 janë pezulluar nga KPK, 3 nga KLP për procedime disiplinore. Janë shkarkuar 75 prokurorë, 21 janë dorëhequr për 12 prokurorë është marrë një vendim nga KPK. Kanë kaluar vettingun rreth 60 prokurorë”, u shpreh Balla.

KLP bashkë me Prokurorin e Përgjithshëm ka menduar që vakancat t’i mbushë përmes emërimeve të reja që dalin nga shkollat e Magjistraturës. Kemi 26 magjistratë të rinj që brenda vitit 2023 do të emërohen në të gjithë prokuroritë e vendit. Në total 75 prokurorë do plotësojnë radhët e prokurorisë në 3 vitet e ardhshme. Për 4-5 vite mund të them që plotësohen vendet me prokurorë. Viti 2022 ishte eficencë e plotë. Është mbledhur 3.5 herë në muaj dhe ka marrë 333 vendime ku 4 komisionet e kanë sjellë para seancës plenare relacionet e tyre dhe ka propozuar 106 vendime në të cilat baza kanë qenë ata që kanë të bëjnë me verifikiminn e figurës. Kemi miratuar 5 rregullore të reja”, theksoi ai.

LEXONI GJITHASHTU

• “Gërdeci”, Mediu: Ja çfarë i thashë prokurorit dhe çfarë firmosa
• Daci: Alda Klosi fillimisht prezumohet e pafajshme, çfarë duhet të bëjë prokuroria
• Thirrja e avokatit për prokurorët: Ndiqni zyrtarët, pinë verë 1 mijë euro