Prokuroria e Ferizajt zbardh detajet se si ndodhi vrasja në fshatin Bibaj

Prokuroria në Ferizaj ka kërkuar që Gjykata të caktojë masën e paraburgimit prej një muaji për Festim Ramadanin dhe shtetasin me iniciale J.M, të dyshuar për vrasjen e 89 vjeçarit në fshatin Bibaj të Ferizajt.

Prokuroria e Ferizajt dha detaje se si ndodhi vrasja në parkingun e një salle dasme në Bibaj, ku u përfshi polici Festim Ramadani, i cili dyshohet se e kreu vrasjen me armën e punës.

Vrasja, sipas autoriteteve, ka ndodhur në orën 19:26 të së premtes.

“Në hyrje të parkingut të sallës së dasmave në fshatin Bibaj, i pandehuri F.R., I pandehuri F.R., për motive të ulëta me dashje që ta privojnë nga jeta sapo vërejnë të ndjerin se hyn në parkingun e lartëcekur, të pandehurit secili me automjete të veta ndalen në vendin e ngjarjes, ku i pandehuri J.M., në dorë ka mbajtur në mjet të fortë [teshlicë] dhe është vërsulur në drejtim të ndjerit.

Kurse i pandehuri F.R., me armën zyrtare automatike ka shtënë disa herë në të ndjerin S.S., dhe me atë rast vënë në rrezik edhe personat tjerë të cilët kanë qenë së bashku me të ndjerin”, u tha në njoftim.

Autoritetet njoftuan një ditë më parë se Ramadani ishte dorëzuar vet tek autoritetet.

LEXONI GJITHASHTU:

• “Ta tregoj unë”, mediat e Kosovës publikojnë sms-të e autorit të vrasjes në Ferizaj
• Vrasja në Ferizaj|Osmani: Unë e bashkëshorti im s’kemi dijeni për motivin e ngjarjes