Mediat në Kosovë kanë zbuluar detaje nga vrasja që ndodhi mbrëmjen e djeshme në Ferizaj, ku një punonjës policie qëlloi për vdekje burrin e tezes së tij.
89 vjeçari,Sadri Sadriu ishte viktimë e ngjarjes, ndërsa autor ishte punonjësi i policisë Festim Ramadani, i cili u vetëdorëzua pas vrasjes.
Nacionale mëson se ‘motivi i vrasjes’ ishte ‘dhunimi seksual i dy motrave të autorit, Festim Ramadanit, nga ana e viktimës, Sadri Sadriu, kur ato ishin të mitura’.
Për rastin tronditës sipas Nacionales ka qenë i informuar edhe bashkëshorti i presidentes, Prindon Sadriu, njëherësh nipi i viktimës, por edhe vetë presidentja Vjosa Osmani.
Të dy ata ishin futur edhe në një grup komunikimi në Facebook, ku familja Ramadani kishte rrëfyer gjitha pretendimet e tyre për viktimën Sadri Sadriu.
Familjarët e vrasësit ishin të indinjuar që rasti nuk po trajtohej nga organet e drejtësisë’ duke aluduar në anashkalimin e tij ‘falë fuqisë politike të familjes Sadriu’.
LEXONI GJITHASHTU:
- Kosovë| Qëlloi për vdekje bashkëshortin e tezes në dasëm, vetëdorëzohet polici
- Vrasja në Ferizaj|Osmani: Unë e bashkëshorti im s’kemi dijeni për motivin e ngjarjes
