Prokuroria e Përgjithshme i përgjigjet Metës për verifikimin e ministrave të ‘Rama 3’

Prokuroria e Përgjithshme i ka kthyer përgjigje interesimit të kreut të shtetit për verifikimin e 16 emrave të propozuar për ministra në kabinetin “Rama 3”.

Në përgjigjen e saj, Prokuroria thotë se asnjë nga emrat e propozuar nga kryeministri i vendit “nuk është i proceduar”.

Presidenti Ilir Meta kërkoi konkretisht nga Prokuroria që të vihet në dijeni pa cenuar sekretin hetimor për kandidatët për ministra, që mund jenë në hetim brenda datës 18 shtator, kur ka edhe afatin e fundit për dekretimin e tyre.

Krahas prokurorisë, burime nga SPAK i thanë Euronews Albania se shkresa e Presidenti Meta për verifikimin e 16 ministrave të propozuar, ka mbërritur edhe në Prokurorinë e Posaçme.

Pas formimit të Parlamentit të ri, Presidenti Meta dekretoi Ramën për formimin e qeverisë së re si kryetar i partisë fituese të zgjedhjeve parlamentare të 25 qershorit.

Nëse emrat e listuar për kabinetin e ri qeveritar “Rama 3” do të dekretohen nga Meta, atëherë Parlamenti është organi i fundit, i cili do të thotë fjalën e fundit përmes votës.

LEXONI GJITHASHTU: 

• Presidenti Meta kërkon verifikimin e 16 ministrave të propozuar nga Rama
• Prokuroria nis verifikimin e ministrave të qeverisë së re pas kërkesës së presidentit
• Presidenti Meta dekreton Edi Ramën si kryeministër të Shqipërisë
• Ilir Meta mbështet Lindita Nikollën si kryetare Kuvendi