Prokuroria Speciale ka ngritur aktakuzë ndaj dy të pandehurve për spiunazh në Kosovë

Prokuroria Speciale e Kosovës, pas zhvillimeve të hetimeve, ka ngritur kwtw tw enjte aktakuzë në Gjykatën Themelore në Prishtinë ndaj dy të pandehurve B.Sh. dhe M.Q.

“Për dy të pandehurit B.Sh dhe M. Q. ekziston dyshimi i bazuar mirë se secili veç e veç, me veprimet e tyre e kanë kryer veprën penale “Spiunazhi’’ nga neni 124 paragrafi 3 i KPRK–së, kurse, i pandehuri M.Q edhe veprën penale “Mbajtja në pronësi, kontroll ose posedim i paautorizuar i armëve” nga neni 366 par. 1 të KPRK-së”, thuhet në njoftimi e Prokurorisë.

Më tej thuhet se prokurori i shtetit nga Prokuroria Speciale i ka propozuar gjykatës që pas shqyrtimit gjyqësor dhe administrimit të provave, të njëjtit t’i shpallë fajtorë dhe t’i dënoj sipas Kodit Penal të Republikës së Kosovës.

“Po ashtu, prokurori i rastit, ka kërkuar nga gjykata që të pandehurve tu vazhdohet masa e paraburgimit deri në përfundimin e shqyrtimit gjyqësor, ngase ende ekzistojnë kushtet ligjore për vazhdimin e masës së tillë”, thuhet në njoftim.

Në viti 2024 janë arrestuar dy persona, B.Sh. dhe M.Q., të cilët dyshohet se kanë bashkëpunuar me BIA-n serbe.