Gjykata e Lezhës ka caktuar masën e sigurisë “Arrest me burg” për vjeçarin Aleks Lulashi, i cili u arrestua nga policia si pronari i banesës në zonën e e Fushë-Kuqes, e cila shërbente si një bazë logjistike për grupet kriminale.

Ashtu sikurse dhe gjatë marrjen në pyetje në polici, Lulashi mohoi të ketë lidhje me ndonjë grup kriminal.

Sipas tij sendet e paligjshme që mbante në banesë thjesht i shiste dhe i blinte për përfitime.

Sipas policisë, Lulashi dispononte objektin ku furnizoheshin me mjete, grupe kriminale, me qëllim kryerjen e krimeve të rënda kundër personit.

Ai akuzohet për veprat penale “Sigurimi i kushteve dhe mjeteve për të kryer vrasje”, “Trafikim i mjeteve motorike”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.

Gjatë operacionit u sekuestruan: 1 automjet tip “Mazda”, me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit; 5 motomjete me fuqi të lartë motorike, të dyshuar të vjedhur; 4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë; 400 gramë lëndë e dyshuar eksplozive, me fitil zjarrpërcjellës, e gatshme për shpërthim; Kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.

LEXONI GJITHASHTU:

• Baza e bandave në Fushë Kuqe, kush është pronari që u arrestua
• Kush është 41-vjeçari që u ekzekutua në qytetin e Fierit