Reporterët pa Kufij publikojnë raportin vjetor, rreziqet kryesore të medias

Organizata Reporterët pa Kufij publikoi të mërkurën raportin vjetor mbi lirinë e shtypit, duke e vënë theksin tek fenomeni i dezinformimit.

Grupi tregon se aktorët politikë janë rregullisht të përfshirë në fushatat e propagandës, apo të fushatave të dezinformimit masiv, të lehtësuara nga rritja e teknologjive digjitale.

“Me ardhjen e epokës digjitale, e gjithë panorama e informacionit ka ndryshuar. Platformat digjitale na kanë dhënë mënyra të panumërta përmes të cilave mund të informohemi dhe të shprehemi. Por ato po prodhojnë gjithashtu terren fertil për ata që praktikojnë dezinformimin dhe teoritë e komplotit. Jemi në një udhëkryq të ri”-theksoi Audrey Azoulay, drejtoreshë e përgjithshme e UNESCO-s.

Në vend të parë për lirinë e shtypit është Norvegjia, e ndjekur nga Irlanda dhe Danimarka. Franca ka fituar dy vende dhe renditet e 24-ta, ndërsa Brazili ka bërë gjithashtu progres me zgjedhjen e presidentit Lula.

Ndërkohë, Vietnami, Kina dhe Korea e Veriut janë në fund të klasifikimit. Rusia nga ana tjetër ka humbur 9 vende, duke u renditur e 164-ta.

Sipas Reporterëve pa Kufij, rajoni i Magrebit mbetet më i rrezikshmi për gazetarët, ndryshe nga Evropa, ku praktikimi i gazetarisë konsiderohet më i lehtë.

Në tërësi, kushtet për ushtrimin e profesionit të gazetarit janë të varfëra në 7 nga 10 vende.

LEXONI GJITHASHTU: 

• E thirri vetë policinë, si i riu në Beograd kishte 1 muaj që përgatiste sulmin
• “Shërbim funeral falas”- premtimi i kandidatit të Libohovës: Është një emergjencë