Protesta e grave në Ukrainë, kërkojnë pushim për ushtarët

Në disa qytete të Ukrainës u zhvilluan gjatë së premtes protesta, ku manifestuesit, kryesisht gra, kërkuan pushim për ushtarë që ndodhen në fushëbetejë prej 18 muajsh. Ato këmbëngulin se ushtarët kanë nevojë për rikuperim dhe propozojnë për rotacion të tyre në vijën e frontit.

“Ata janë psikologjikisht dhe fizikisht të lodhur. Ata nuk mund të qëndrojnë atje që prej fillimit të luftës dhe të na mbrojnë të gjithë ne ukrainasit. Ata kanë nevojë për pak pushim”, thotë një vajzë.

Situata në vijën e frontit, megjithatë, nuk duket të jetë shumë e përshtatshme për një rotacion masiv të trupave. Ushtria ruse ka rritur presionin në Donetsk, duke u përpjekur të pushtojë të gjithë rajonin.

Ndërkohë, në Kombet e Bashkuara po ngrihen shqetësime për përshkallëzimin e mundshëm të dhunës për shkak të furnizimit të vazhdueshëm me armë dhe municione jo vetëm të Ukrainës, por edhe të Rusisë nga Irani dhe Koreja e Veriut.

LEXONI GJITHASHTU:

• Mercenarët serbë në Ukrainë, ekspertët: Do kemi probleme kur të kthehen
• Lufta në Ukrainë/ SHBA: Rusia pëson humbje të konsiderueshme në ofensivën e re