Protesta e studentëve të mjekësisë, Manastirliu: Jemi ende në bisedime

Ministrja e Shëndetësisë, Ogerta Manastirliu, u pyet nga gazetarja e Euronews Albania, Eksiola Shehu, sa i takon protestës së studentëve të mjekësisë.

Ajo tha se janë ende në proces diskutimesh për këtë çështje dhe qeveria nuk ka ende një model gati.

“Ne kemi ndërmarrë një proces të gjerë konsultimesh, takimesh me studentët e mjekësisë, me rektorë dhe dekanë për të krijuar bazën më të mirë të diskutimeve. Në momentin që qeveria do ketë një model për ta caktuar, do ua përcjellim,” – u shpreh Manastirliu.

Studentët e mjekësisë refuzojnë propozimin e qeverisë për të qëndruar 3 vite në Shqipëri pas përfundimit të studimeve.

Në të kundërt, qeveria ka lënë në dispozicion mundësinë për të paguar tarifën e plotë të studimeve dhe ata mund të largohen lirisht. Bëhet fjalë për një tarifë rreth 13 fish më e lartë se çfarë studentët paguajnë aktualisht.

LEXONI GJITHASHTU:

• Manastirliu: Mjekët mund të bëjnë vizita private, faturën e përcakton bordi
• Degët që nuk preferohen, Kushi: 40 mijë lekë në muaj për ata që i zgjedhin