Protesta në Tiranë, diaspora i bashkohet marshimit drejt Kryeministrisë

Marshimi i qytetarëve dhe aktivistëve në bulevardin “Dëshmorët e Kombit” drejt Kryeministrisë ka nisur më herët se sa ishte parashikuar, ndërsa protestuesve u janë bashkuar edhe shqiptarë të ardhur nga diaspora.

Ashtu siç ishte paralajmëruar, dita e sotme ka sjellë një pjesëmarrje më të madhe se ditët e kaluara, me një numër të shtuar qytetarësh që i janë bashkuar tubimit në kryeqytet, duke rritur ndjeshëm masivitetin e protestës në Tiranë.

Në protestë vijojnë të jenë masive thirrjet “Rama në burg, Berisha në burg dhe Rama jepe dorëheqjen”, të cilat janë dëgjuar vazhdimisht nga pjesëmarrësit gjatë marshimeve dhe tubimeve në kryeqytet.

Tiranë, dita 21 e protestës pic.twitter.com/hg94cwqP3W

— Euronews Albania (@EuronewsAlbania) June 20, 2026