Protesta për çmimet, Arben Shkodra: Publiku të kërkojë transparencë nëse ka abuzim

Arben Shkodra, sekretar i Përgjithshëm i Shoqatës së Prodhuesve, tha në emisionin “Now” se qytetarët duhet të protestojnë për të kërkuar transparencë nëse ka abuzim me çmimet e larta.

Z. Shkodra tha për protestën e sotme përpara Kryeministrisë për rritjen e çmimeve se është bërë për arsye se qytetarët kane ndjerë rritjen e çmimit të bukës dhe janë ndikuar nga deklarata e kryeministrit Rama për rritjen e mundshme të çmimit të energjisë elektrike.

Arben Shkodra tha se protestat paqësore duhen kthyer në kulturë, për të kërkuar transparencë por edhe për të bërë një “presion pozitiv” ndaj qeverisë dhe ekzekutivit.

“Duhet ta kthejmë në kulturë protestën paqësore për të kërkuar më shumë transparencë, për të kuptuar më shumë, por edhe për të bërë një presion pozitiv ndaj qeverisë, ekzekutivit, ligjvënësve të ndryshëm, që ne të kemi zhvillim dhe demokraci”, u shpreh Arben Shkodra.

“Duhet bërë protestë për transparencë për menaxhimin e financave publike, sistemeve shtetërore”, shtoi ai.

LEXONI GJITHASHTU:

• Protestë përpara Kryeministrisë për rritjen e çmimeve