Protesta për çmimet, Ervin Goci: Do jem në çdo protestë kundër kësaj qeverie

Në Tiranë po zhvillohet protesta kundër rritjes së çmimit të ushqimeve, karburanteve dhe produkteve apo shërbimeve të tjera, për të dytën ditë radhazi këtë muaj.

Në protestë morën pjesë qytetarë, shoqëri civile, aktivistë dhe pedagogë, siç është rasti i Ervin Gocit.

Goci thotë se do të jetë prezent “në çdo protestë kundër kësaj qeverie”.

Në protestë ka marrë pjesë çdo grup-moshë, ndër ta edhe pensionistë të cilët ankohen për rritjen e çmimit të ushqimeve bazë, si vaji, apo vezët.

“Me pension nuk blej dot asgjë”, tha një pensionist.

Qeveria ka krijuar dy borde transparence, një për karburantet e një për ushqimet për të kontrolluar rritjen e çmimeve, por çmimet e përcaktuara nga bordi kanë qenë shpesh më të larta se të produkteve nëpër dyqane.

Të shumtë janë ata që kanë kërkuar mosfunksionimin e këtyre bordeve, pasi në mbledhjet e fundit Bordi për karburantet ka caktuar çmim rekord për naftën dhe benzinën, duke e rritur në 258 lekë litri.

LEXONI GJITHASHTU:

• Qytetarët protestojnë para Kryeministrisë për rritjen e çmimeve