Protesta të dhunshme në Senegal, 9 viktima për të mbrojtur liderin e opozitës

Të paktën nëntë persona humbën jetën gjatë përleshjeve midis policisë dhe mbështetësve të liderit të opozitës së Senegalit, Ousmane Sonko, sipas njoftimit të qeverisë të premten.

Pas dhunës, autoritetet vendosën një ndalim gjithëpërfshirës për përdorimin e disa platformave të rrjeteve sociale.

Shumica e viktimave ndodhën në kryeqytetin e Dakarin dhe qytetin jugor të Ziguinçorit, ku Sonko shërben si kryebashkiak, shkruan REL.

Në përgjigje të situatës, ministri i Brendshëm, Antoine Felix Abdoulaye Diome, deklaroi se rrjetet sociale si Facebook, WhatsApp dhe Twitter, të cilat po përdoreshin për të nxitur protestat, janë pezulluar.

Diome siguroi publikun se qeveria ka marrë të gjitha masat e nevojshme për të garantuar sigurinë e individëve dhe pronës dhe se siguria do të përforcohej në të gjithë vendin.

Të enjten, Sonko u shpall fajtor për korruptim të të rinjve, por u lirua nga akuzat në lidhje me përdhunimin dhe kërcënimet me vdekje ndaj një gruaje të punësuar në një sallon masazhi.

LEXONI GJITHASHTU:

• “Kosova është zemra e Serbisë”/Protesta masive edhe në Mal të Zi
• Bayern pezullon Mane, senegalezi goditi me grusht shokun e skuadrës