Bayern pezullon Mane, senegalezi goditi me grusht shokun e skuadrës

Situata tek skuadra e Bayern Munchen sa vjen e përkeqësohet, ndërsa pas humbjes ndaj Manchester City, grupi duket i përçarë.

Si të mos mjaftonte disfata në ndeshje ne parë në Angli, mes lojtarëve të grupit gjerman kanë nisur përplasjet. Sipas asaj që raporton Bild, sulmuesi senegalez Sadio Mane ka goditur me grusht në fytyrë shokun e tij të skuadrës, Leroy Sane.

Ngjarja bëhet me dije se ka ndodhur të martën, ndërsa 31-vjeçari është pezulluat me urdhër të drejtuesve të klubit. Gjermania Bild raporton më tej se konflikti është regjistruar në dhomën e zhveshjes, ndërkohë Bayerni po mendon ndërprerjen e kontratës me Mane. Senegalezi u pa në stërvitjen e së enjtes me grupin, por situata e tij nuk është normale.

Mane pritet të bëhet shembull për veprimin e tij të pazakontë, ndërsa mendohet deri në përjashtim nga skuadra. Të gjithë lojtarët janë shtangur nga veprimi i yllit senegalez, për më tepër ndaj një lojtari si Sane, i cili ishte më i miri në përballjen e së martës. Menjëherë pas vërshëllimës së trefishtë të gjyqtarit nisi përplasja e tyre, e cila vijoi në tunel e deri në dhomat e zhveshjes. Në vijim do të ketë një vendim përfundimtar për të dy të përfshirët në konflikt, ndërsa Mane është lënë jashtë listës së lojtarëve për ndeshjen ndaj Hoffenheim.

LEXONI GJITHASHTU:

• U shkarkua në mes të sezonit, Julian Nagelsmann do t’i kushtojë Bayernit 30 mln euro
• Zyrtare: Tuchel në pankinën e Bayernit deri në vitin 2025