Protestave të fermerëve u bashkohen edhe peshkatarët, bllokohet porti i Volosit

Porti tregtar i Volosit është i bllokuar si nga toka ashtu edhe nga deti. Fermerët dhe blegtorët bllokuan portin e Volosit nga toka, ndërsa peshkatarët e bllokuan atë nga deti në shenjë mbështetjeje.

Fermerët kaluan Volosin me traktorët e tyre derisa arritën në port, ku po vazhdojnë bllokadin. Në hyrje të portit ka forca të shumta police në rast përshkallëzimi. Peshkatarët kanë ndezur flakadanë në anijet e tyre ndërsa kanë shpalosur edhe parulla.

Duket se edhe fermerët e tjerë po shqyrtojnë një veprim të ngjashëm për portin e Selanikut. Disa akse janë bllokuar me mjetet bujqësore. Autostrada kombëtare Athinë-Lamia mbetet e bllokuar në katër pika kyçe.

LEXONI GJITHASHTU:

• Pak orë nga zgjedhja e Kreut të SPAK, KLP zbardh detajet e seancës së votimit
• Avionët kaluan zonën ajrore, Seuli ankohet te përfaqësuesit e Kinës dhe Rusisë