Protestë në Elbasan për mungesën e energjisë elektrike, banorët pa furnizim të rregullt me ujë

Banorët e lagjes “Skënderbej” në Elbasan protestuan këtë të martë për mungesën e energjisë elektrike, një problem që sipas tyre vijon prej disa ditësh dhe ka vështirësuar ndjeshëm jetesën.

Rreth 300 banorë janë prekur nga ndërprerja, duke mbetur jo vetëm pa energji elektrike, por edhe pa furnizim të rregullt me ujë. Ata shprehen se situata pritet të zgjasë deri më 4 të muajit dhe denoncojnë mungesën e njoftimit zyrtar nga institucionet përgjegjëse.

Edhe bizneset e vogla në zonë raportojnë humbje të konsiderueshme, veçanërisht në sektorin ushqimor, për shkak të fikjes së frigoriferëve dhe rrezikut për prishjen e produkteve.

Nga ana tjetër, Operatori i Sistemit të Shpërndarjes së Energjisë Elektrike sqaron se ndërprerja lidhet me stakimin e fidrit nr. 7 në nënstacionin “Kombinati i Drurit”, në kuadër të punimeve për linjën e interkoneksionit Bitola–Elbasan–Fier. Sipas OSHEE-së, po punohet për furnizimin e zonës përmes linjave alternative dhe ndërprerjet janë të përkohshme gjatë manovrave teknike.

Gjithashtu,  banorët paralajmërojnë se do të vijojnë protestat deri në një zgjidhjen të situatës