Protestë për vdekjen e 32-vjeçarit Laer Kurti, Rama: Hiena që kërkojnë gjak

Kryeministri Edi Rama ka reaguar pas lajmërimit për një protestë qytetare për vdekjen e 32-vjeçarit Laer Kurtit, i cili humbi jetën 2 ditë më parë pas shoqërimit nga policia.

Përmes një postimi në Twitter Rama shkruan se ata që prej 24 orësh po akuzojnë policinë për një vdekje për të cilën prokuroria folur qartë kërkojnë vetëm rrëmujë, konflikt, gjak.

“Kur njeriu bëhet hienë nuk bëhet më kurrë njeri, po kur njerëzit u venë pas hienave rrezikojnë të bëhen hiena! Si mund t’u shkohet ende pas hienave që prej 24 orësh po shqyejnë një të vdekur nëpër media, duke ia hedhur fajin policisë, kur edhe vetë prokuroria ka folur qartë?! Çdo shqiptar që i ndjek këto hiena nga mbrapa duhet të pyesë veten çfarë shqiptari është dhe çfarë kërkon pas atyre, që kërkojnë vetëm rrëmujë, konflikt, gjak mundësisht, e që hanë bukën e Shqipërisë po bëjnë duvanë e Rusisë!” shkruan Rama.

Më herë në një deklaratë Rama u shpreh për këtë çështje se duhet të presim konkluzionet e hetimeve. Ai akuzoi opozitën se këtë ngjarje duan ta lidhin me rastin e Klodian Rashës për të nxjerrë njerëzit në protesta.

LEXONI GJITHASHTU:

• “Duart tuaja me gjakun e shqiptarëve”, thirrje për protestë sot në 20:00
• Vdekja e Laer Kurtit, Rama: Presim përgjigjen e hetimeve