Qindra fermerë të Beratit dhe Fierit janë mbledhur te Ura e Kuçit për të protestuar kundër politikave të shtetit ndaj tyre.
Për disa minuta ata kanë bllokuar edhe rrugën, duke hedhur në asfalt produktet e tyre bujqësore. Kjo ka shkaktuar edhe përplasje me policinë.
Ata ndihen të diskriminuar, pasi puna e tyre jo vetëm që nuk ka duk, por edhe zhvlerësohet nga pikat e grumbullimit. Sipas fermerëve, të cilët janë suportuar edhe nga sindikata e fermerëve, ata po shkojnë drejt falimentimit, pasi produktet e tyre po shiten nën kosto në pikat e grumbullimit dhe pa fatura tatimore.
Gjendja e rënduar ekonomike e fermerëve, ka bërë që ata ti hedhin prodhimet e tyre në kanale. Ata kërkojnë ndërhyrjen e shtetit, pasi në të kundërt nuk do ti ndalin protestat.
Në protestën e zhvilluar paraditen e kësaj të hëne, fermerët mbanin në duar pankarta “stop masakrimit të fermerëve” apo “stop abuzimit me çmimet”. Ata i bën apel kryeministrit që ti japë zgjidhje kësaj situatë, e cila rrezikon falimentimin e tyre.
LEXONI GJITHASHTU:
- Dënohen dhe dëbohen dy rusët e ndaluar në veri të Kosovës
- Turistë me makina ‘retro’/ 160 francezë shijojnë bukuritë e Voskopojës
