Protestuesit mblidhen para selisë blu, kërkojnë largimin e Ramës

Para selisë së Partisë Demokratike janë mbledhur protestuesit e parë.

Për Euronews Albania ata kanë treguar arsyet pse do t’i bashkohen sot protestës së orës 19:00.

“Kam ardhur nga Hasi. Ka varfëri, janë rritur çmimet. Rinia po ikën, Shqipëria po shkatërrohet”, u shpreh një protestues.

“Ne kërkojmë largimin e Ramës. Kjo do arrihet me protesta të fuqishme. Në Has ka ikur e gjithë rinia, vetëm pleqtë kanë ngelur. Të largohet pa rrëmujë të madhe”, tha një tjetër protestues.

Në protestën e sotme nuk mungojnë as emigrantët.

“Me këtë qeveri që ne kemi këtu, ky vend nuk shkon përpara. Ne si emigrantë që vijmë me mall, me këtë sistem që ka Shqipëria, nuk bëhet vendi. Nuk jemi shtet social”, u shpreh një emigrant nga Italia.

LEXONI GJITHASHTU:

• ‘Berisha do të flasë i fundit’, agjenda e protestës së sotme
• ‘Protesta’, PD thirrje qytetarëve: Mos u trembni nga skenarët fake të qeverisë