Provokim i rrezikshëm, Japonia akuzon Kinën për manovër që mund të niste sulm

Japonia ka reaguar ashpër ndaj Kinës pas dy incidenteve të njëpasnjëshme të raportuara të shtunën, ku avionë luftarakë kinezë J-15 u përplasën me avionët japonezë pranë Okinawa-s, duke bllokuar radarët e tyre.

Sipas autoriteteve në Tokio, të dy episodet u regjistruan në orën 16:32 dhe 18:37 me orën lokale, dhe avionët kinezë ishin nisur nga aeroplanmbajtësja Liaoning. Veprimi konsiderohet si një kërcënim serioz, pasi përdorimi i radarëve mund të nënkuptojë përgatitje për sulm, duke shtuar rrezikun e përshkallëzimit në rajon.

Forcat japoneze u përgjigjën duke ngritur avionë të tjerë luftarakë dhe protestuan zyrtarisht ndaj Pekinit, duke theksuar se Japonia nuk ndërmori asnjë veprim provokues. Tokio kërkon masa që incidente të tilla të mos përsëriten.

Kryeministrja Sanae Takaichi u shpreh se Japonia do të veprojë “me qetësi dhe vendosmëri”, duke nënvizuar shqetësimin për tensionet e rritura në zonë.

Kina, ndërkohë, ka mohuar akuzat duke i cilësuar si “plotësisht të pabaza”. Pekini këmbëngul se manovrat ushtarake ishin të njoftuara dhe pjesë e stërvitjeve rutinë, duke i bërë thirrje Tokios të ndalojë “shpifjet” ndaj forcave kineze.

LEXONI GJITHASHTU:

• Kina vë bast të madh në eksporte, por a do ta paguajë çmimin ekonomia e Evropës?
• Kompania e birrës në Japoni pranon rrjedhjen e të dhënat të 2 milionë klientëve