Ish-ministrja e Financave dhe Ekonomisë, Anila Denaj deklaroi se Partia Socialiste nuk do të kërkojë ndryshim të hartës territoriale.

Në një intervistë për “Euronews Albania”, Denaj u shpreh se rritja u numrit të bashkive, nuk do të sjellë përmirësim të prolematikave.

“Ne nuk e shikojmë ndryshimin e hartës si zgjidhje të problematikave që ekzistojnë. Duke nënkuptuar me këto problematika, që çdo reformë ka problematikat e veta, por që reforma ka bërë një hap cilësor shumë të rëndësishëm për të sjellë brenda shërbimit dhe mentalitetit të financës në një njësi administrative vendore, vetëm përmirësim.

7 vjet nuk janë mjaftueshëm për të baltosur të gjithë punën e kësaj reforme. Ne nuk e shohim të nevojshme që rritja e numrit të bashkive do të përmirësojë disa nga problematikat që kemi dëgjuar nga dëgjesat e deritanishme”, theksoi ajo.

Komisioni i Reformës Territoriale pritet ta përmbyllë punën e tij në 30 shtator.

LEXONI GJITHASHTU

• Denaj i drejtohet opozitës: Më mirë sugjeroni para se të kritikoni
• Debat mes deputeteve të PD-së e PS-së në Komisionin e ‘Territoriales’, shkak Veliaj
• Reforma territoriale, ekspertët: Shqetësues punësimi i militantëve në bashki