Grupi parlamentar i PS kërkon përjashtimin për 30 ditë nga parlamenti të deputetit Gazment Bardhi, për shkak të kaosit të krijuar në seancën plenare një ditë më parë.
Kërkesa është depozituar këtë të premte në Kuvend dhe pritet që javën e ardhshme të mblidhet Sekretariati i Etikës për vendimmarrje.
Në kërkesë thuhet se deputeti Bardhi, brenda këtij sesioni parlamentar, ka kryer në mënyrë të përsëritur shkelje të parashikuara në nenin 65/1, pika 1, të Rregullores së Kuvendit.
