Pse ka frikë Svetlana Timofoeva nga ekstradimi? Përgjigjet avokati

Gjykata e Elbasanit ka vendosur të mos pranojë kërkesën e autoriteteve ruse për ekstradimin e ruses Svetlana Timofoeva, e arrestuar në vendin tonë pas sulmit të ndodhur në uzinën e armëve në Gramsh.

Vetë Timofoeva ka kërkuar të mos e ekstradojnë. Në një intervistë për Euronews Albania, avokati Isuf Shehu shpjegoi këtë “frikë” të saj.

“Ajo është në pozitën e personit për të cilën në Rusi po zhvillohen hetimet dhe është përgatitur dosja për ta proceduar. Ata e akuzojnë për spiunazh, pra ata e akuzojnë sikur Svetlana është spiune e një fuqie të huaj për federatën ruse, pra spiune e një vendi tjetër ndryshe nga Rusia,” – u shpreh Shehu.

Ngjarja:

Dy rusët, Svetlatana Timofoeva, Mikhail Zorin dhe ukrahinasi Fiodor Mihailoviç u arrestuan ne date 20 gusht kur ndodhi edhe incidenti në uzinë.

Tre personat po fotografonin ambientet e uzinës ndërsa përpiqeshin të hynin brenda saj, u pikasën nga ushtarët shqiptarë që u kërkuan që të ndalonin.

Mikhail Zorin sulmoi ushtarin duke e spërkatur me një spraj të dyshuar kimik. 3 personat u arrestuna dhe ndërkohë u sekuestrua makina me të cilën lëviznin.

Tashmë mbi ta rëndon zyrtarisht akuza e “Dhënia e informatave sekrete”, dhe “Sigurimi i informatave”. Gjykata ka vendosur ndaj tyre masën e sigurisë “arrest me burg”.

LEXONI GJITHASHTU:

• Gjykata e Elbasanit vendos të mos ekstradojë rusen Svetlana Timofoeva
• Ngjarja në uzinën e Gramshit, Rusia kërkon ekstradimin e spiunes Svetlana Timofoeva