Pse kaluan ujësjellësit te ministria? Përgjigjet drejtori i AKUM

Drejtori i AKUM, Klevis Jahaj tregoi për “SOT” në Euronews Albania pse ujësjellësit kaluan te ministria.

Sipas tij bashkitë nuk e kanë bërë punën si duhet. Jahaj tregoi se parashikohet që nga 58 shoqëri  të formohen 15 shoqëri, të cilat janë përzgjedhur përmes disa kritereve.

Ai tregoi se përzgjedhja është bërë duke u bazuar jo vetëm në afërsinë territoriale, jo vetëm nga burime që kanë afër për të furnizuar popullatën, por dhe nga numri minimal i abonentëve që do të shërbejnë.

Shoqëritë më të mëdha, specialistët më të mirë dhe unifikimi i strukturave organizative apo sistemet e informacionit për menaxhimin e faturave dhe arkëtimeve janë disa nga benefitet që do të vijnë me kalimin e ujësjellësve te ministria.

“Kontrolli që shteti tani merr drejtpërdrejt në monitorimin e këtyre SH.A-ve dhe në bazë të gjithë analizës, planeve të biznesit që ne kemi bërë për gjithë sektorin, stimulimet 3-4 vjeçare të performancës, këto kompani me këtë shkallë organizimi dhe këtë numër abonentësh që mendohet të organizohet sipas projektvendimit të dalë ditën e djeshme kanë një mundësi reale për t’u kthyer jo vetëm në një shërbim më të mirë për qytetarët, por edhe potencial ekonomik,” – u shpreh Jahaj.

LEXONI GJITHASHTU:

• Ujësjellësi i Tiranës tender 80 mijë euro për biçikleta elektrike