“Pse mashtroni?” Karabina – Merkocit: Bëtë vetëm 9 shkolla me PPP

Mirela Karabina, drejtoreshë e komunikimit për fushatën e kandidatit të PD-së për bashkinë e Tiranës tha për Euronews Albania se Bashkia e Tiranës ka marrë fonde për të përmirësuar shkollat e kryeqytetit, por nuk e ka bërë.

Madje ajo tha se janë shembur disa shkolla pa vendim prishje. Kjo gjë shkaktoi reagim te kandidati i këshillit bashkiak për Partin Socialiste, Aldo Merkoci, i cili e kundërshtoi se në qytetin e Tiranës janë ndërtuar 40 shkolla.

Pjesë nga debati

Mirela Karabina: Janë hedhur gjithë ato lekë në shkolla dhe nuk është ndryshuar asgjë.

Aldo Merkoci: Po t’i s’ia ke idenë fare.

Mirela Karabina: Me kë po flet? Janë 9 shkolla të cilat janë ndërtuar me PPP. Gjatë gjithë këtyre viteve, mendësia për të ndërtuar një shkollë siç e duam ne sot në 2023 nuk ka ndryshuar. Nuk janë shtuar hapësira në shkolla, ata shkojnë njësoj siç kemi shkuar ne. Është një nga pikat e koncesionit 60 milionë euro, ku thuhej se do kishte mensa dhe hapësira ku fëmijët do argëtohen. Shkollat nuk kanë as hapësirë, as  ajër. Ju keni prishur shkollat e Tiranës, pa vendim prishje.

Aldo Merkoci: Në qytetin e Tiranës, jo në qytetin e Mirelës, ne kemi marrë përsipër dhe kemi ndërtuar 40 shkolla dhe kemi rindërtuar 35 të tjera.

LEXONI GJITHASHTU:

• Lejoi marshimin e neo-nazistëve në Paris, Franca përballet me kritika
• “Rama në krizë të thellë politike”, Fitim Zekthi: Çfarë e frikëson më shumë