Pse u tentua grusht shteti në Gjermani? Pedagogu jep arsyen

Njëzet e pesë persona janë arrestuar në të gjithë Gjermaninë, të dyshuar për komplot për të rrëzuar qeverinë.

Pedagogu për marrëdhëniet ndërkombëtare, Dritan Hoti tha në një intervistë për Euronews Albania se një grup radikal politik refuzon të pranojë autoritetin juridik e konstitucional, të paguajë taksa e për këtë arsye shqyrtuan mundësinë e përmbysjes së shpejtë të qeverisë gjermane.

Organizata që ka bërë komplotin ekziston që prej viteve 80’ në Gjermani, siç tregoi dhe pedagogu. Hoti tha se ka rreth 15 mijë anëtarë.

Raportet gjermane thonë se grupi i figurave të ekstremit të djathtë dhe ish-ushtarak planifikonte të sulmonte ndërtesën e parlamentit, Reichstag, dhe të merrte pushtetin.

Një gjerman i referuar si një princ i quajtur Heinrich XIII, 71, dyshohet se ka qenë qendror në planet e tyre. Në mesin e të arrestuarve në 11 shtete gjermane, sipas prokurorëve federalë, ishin dy drejtues të dyshuar.

LEXONI GJITHASHTU:

• Komplot për të rrëzuar qeverinë, arrestohen 25 persona në Gjermani