Pse u zemëruan ‘Tifozët Kuqezi’? Ardit Saliaj tregon arsyet

Ardit Saliaj përfaqësues i ‘Tifozëve Kuqezi’ tha se ndeshjet e fundit të Kombëtares kanë qenë shumë zhgënjyese, me mungesë të theksuar shpirti dhe grinte.

Në emisionin Now në Euronews Albania, ai u shpreh se ‘Tifozët Kuqezi’ asnjëherë nuk kanë bërë presion për rezultat, por kanë kërkuar grintën që sipas tij Kombëtarja nuk e ka më.

“Ata duhet të shpalosin emocionet e një kombi të tërë. Ne nuk duam rezultatet, por duam grintën. Ata nuk e ndiejnë peshën e fanellës që mbajnë. Ka shumë palaço lojtarë që nuk e kalojnë as mesin e fushës të vijnë të na përshëndesin, ka të tjerë që i quajnë tifozët të rëndomtë. Ndërkohë që tifozi është lojtari i 12-të”, tha tifozi.

Grumbulli i lojtarëve në fund të ndeshjes dhe përpjekja e portierit Berisha për të kërkuar ndjesë në fund të ndeshjes u mor si provokim nga tifozët, tha Saliaj, duke shtuar se ai nuk ishte momenti i duhur për atë veprim.

LEXONI GJITHASHTU:

• Baku: Kombëtarja ka brez fantastik, por Reja është trajner me stil të vjetër
• Islanda barazon Shqipërinë në minutat shtesë