Për herë të dytë në historinë e saj, PSG kualifikohet në finalen e Champions League dhe i ka të gjitha gjasat të ngrejë lart trofeun e kampionit. Skuadra e Luis Enrique mposhti pa probleme Arsenalin edhe në ndeshjen e dytë gjysmëfinale, megjithëse kundërshtari luajti mjaft mirë.

Në Parkun e Princave ndeshja u fitua nga parizienët në shifrat 2-1 dhe në total 3-1, pasi më herët kishin fituar me rezultat minimal në transfertën e Londrës.

Gjatë festës dhe trazitave së tifozëve të Paris Saint-Germain pasi klubi i futbollit arriti në finalen e Ligës së Kampionëve, tre persona u plagosën, njëri prej të cilëve është në gjendje kritike.

Një zyrtar i policisë i paidentifikuar tha se njerëzit u goditën nga një makinë pranë Champs-Elysées dhe se rrethanat po hetohen, raportoi BFM TV.